Prosjektet har fått 75 000 kroner i tilskot frå Margit og Morten Parelius’ minnefond, i tillegg til støtte frå næringslivet.
Bygdeboka omhandlar resten av gardane i Elnesvågen og innover mot Sylteosen, og Kolberg-grenda. Dette blir Elnes gnr. 49, Myrbostad gnr. 50, Varhol gnr. 51, Syltesæter gnr. 52, Moen gnr. 53, Syltegjerdet gnr. 54, Syltefeten gnr. 55, Sylte gnr. 56, Rødset gnr. 57, Rødal gnr. 58, Holen gnr. 59, Nøsen gnr. 60, Ukkelberg/Kolberg gnr. 61 og Lindset (indre) gnr. 62. Det blir gardshistorie og historie om folk som har budd på og drevet gardar frå 1500-talet og fram til i dag. Alle bruksnummer er med, inkludert bustadfelt og bedrifter. Dei fleste har allereie tidlegare fylt ut skjema med opplysningar. Ta gjerne kontakt om du vil sjekke at alt er med om din familie. Under ferietida kan det ta litt tid før du får svar. Send e-post til anne.holen.helseth@hustadvika.kommune.no.